Taliska AMiSOM oo sheegay in laqaadayo howl galada qeybta 3aad ee Gobalda dhexe

254

lll Taliska AMISOM ayaa ka warbixiyay howl galada ka socda gobolada dalka iyo deegaanadii u dambeeyay ee Al-Shabaab laga qabsaday, iyadoo la bixiyay amar ah in la qaado howl galka qeybta 3aad ee Gobolada dhexe ee Soomaaliya.
Afhayeenka AMISOM Col. Cali Aadan Xumad ayaa sheegay inay soo gaba gabeeyeen howl galka qeybta sadddexaad ee ka socda gobolada Gedo, Bay iyo Bakool, kadib markii maalmihii la soo dhaafay ay Ciidamada Itoobiya ee ka socda AMISOM la wareegeen degmooyin dhowr ah.

“Hadi ay tahay howl galada qeybta 3aad waa ka baxnay, qeybta afaraad ee Hiiraan iyo Galgaduud ayaa bilaabanaya, amarada waa baxee, madaxda joogta Air Porka ayana siiyay qolo kasta amarka iyo farsamada looga baahan yahay”ayuu yiri Col. Cali Aadan Xumad oo la hadlay idaacada VOA.

Col. Xumad ayaa sheegay in AMISOM ay la dagaalameyso cid kasta oo hor istaagta, waxaana uu tilmaamay in Al-Shabaab awoodooda ay daciiftay, isagoo xusay in qeybta ugu weyn ee howl galkan ay leeyihiin ciidamada dowladda oo tababaro la sii siiyay.

“Qolaba sida ay u dhaqaaqeyso waa taqaa, waxay wada leeyihiin ciidamo Soomaaliyeed oo tababar la soo siiyay, waxaa la muujinaya mas’uuliyada dowladda ka leedahay howl galka”ayuu yiri Afhayeenka AMISOM.

Ciidamo fara badan oo Itoobiyaan ayaa dhaq dhaqaaqyo ciidan ka wada Gobolada Hiiraan iyo Galgaduud oo maalmihii la soo dhaafay ay soo galeen, waxaana ciidamadan ku wajahan yihiin degmooyinka Ceelbuur, Buulo Burde iyo deegaano kale.

Kalasoco warar xiiso badan.

www.xaqiiqa.com