Canada oo lacag malaayiin Doolar ah ugu deeqday Soomaaliya

159

Dowladda Canada ayaa Shaaca ka qaaday in howlaha gargaarka ee ka socda Soomaaliya ay ugu deeqday lacag dhan $10 Milyan oo Dollar.

Canada, waxa ay sheegtay in ay muhiim tahay in si deg deg ah wax looga qabto Abaaraha Soomaaliya oo sanadkiiba galaafta nolosha kumanaan qof.

Lacagahan waxaa loo kala qoondeyn doonaa 3  Hay’adood oo ah kuwa hoos taga  Qaramada Midoobey iyo mid  Mareykanka ah  ee kala ah  World Food Programme, (WFP), UNICEF, (UNDP) the American Refugee Committee, (ARC)waxaana ay ku bixin doonaa Dadka Soomaaliya ee dhibaatada abaarta la kulmaya.

Lacagahaan waxaa Bixiyay Wasaaradda horumarinta Caalamiga ah, waxaana Wakiil ka ah Wasiirka Socdaalka iyo Jinsiyadaha Canada Axmed Xuseen oo ah Muwaadin Soomaali Canadi ah.

Waxaa uu sheegay Axmed Xuseen, in Dowladda Canada ay  garab taagan tahay horumarka iyo amniga ka jira Soomaaliya ay dhinaca abaarta ka saacideyso Soomaaliya.

Abaartii ku dhufatay Soomaaliya ee SIMA ayaa soo jiidatay indhaha Caalamka, waxaana dowladda Soomaaliya ay dadaal ugu jirtaa sidii loogu hortagi lahaa Abaaraha.