Gaari nuuca qaadka lagu qaado oo lagubay

205

Gaari nuuca

Al-shabaab ayaa xilliyadii dambe gubaysay gaadiidka jaadka u sida degmada Buur-hakabo iyo degmooyinka hoos yimaada gobalka Bay, iyadoo maalintii shalay ahayd gaari jaad u sida lagu qabtay meel Baydhabo u jirta 13-KM.

Gaarigan oo jaad u waday degmada Buur-hakabo ayaa isla goobtii lagu qabtay dab lagu qabadsiiyay, iyadoo sidoo kalena la gorwacay milkiilihii jaadkii gaariga lagu dul-gubay.

Ehellada wiilka ayaa ku eedeeyay Al-shabaab inay wiilkooda goraceen jaadkii uu u waday Buurhakabana gubeen, iyadoo mid ka mid ah malaaqyada Baydhabo oo la yiraahdo Malaaq Ibdiyow uu HOL u sheegey dhacdadaas naxdinta leh.

Magaalada Baydhabo ayaa waxay ciidamada ammaanka ka wadaan qabqabashada dhallinyarada, kaddib shaki laga qabo inay Al-shabaab xiriir la leeyihiin ayna qayb ka qaataan falalka ammaan-darro ee ay Baydhabo ka sameyso.
www.xaqiiqa.com