Itoobiya oo 4 bilood ku kor-dhisay Xaaladda deg dega

225

thumbs_b_c_4d782bf42f244051ec960bb81b53a114

Baarlamaanka Itoobiya oo xubnihiisa ugu badan ay ku leeyihiin Xisbiga talada haya ayaa si aqlabiyad leh u meel mariyay in muddo 4 bilood lagu kordhiyo xukunkii deg dega ahaa.

Wasiirka Gaashaandhigga Itoobiya Siraj Fegessa ayaa difaacay muddo kordhinta lagu sameeyay xukunka deg dega, isagoo sheegay inuu yahay go’aan loo baahnaa, maadaama guulo horay looga gaaray, kaasoo dib loogu soo celiyay xasiloonida sida uu yiri.

Mucaaradka iyo Kooxaha xuquuqda aadanaha ayaa cambaareeyay tallaabadan, iyagoo ku tilmaamay in lagu camburinayo dadka dhaliila dowladda.

Banaan baxyadii gil gilay Itoobiya ee ka socday labada gobol ee ugu dadka badan qowmiyadaha Oromada iyo Amxaarada ayaa sababay in boqolaal qof ku dhintaan, halka kumanaan kalena lagu xir xiray xabsiyada Itoobiya.