Madaxwaynaha & Gudoonka 2-da Aqal oo ka shiray dib u eegista Dastuurka

339

fff-640x427

Madaxweynaha JFS Mudane Maxamed C/llaahi Farmaajo ayaa maanta shir guddoomiyay kulan looga hadlayay dardar gelinta Arrimaha dib u eegista Dastuurka Dalka,kaasi oo la filayo in dhawaan loo bandhigo dadweynaha Soomaaliyeed.

Shirkaasi waxaa goob joog ka ahaa Guddoomiyaasha Golaha Shacabka iyo Aqalka sare ee Baarlamaanka Jamhuuriyadda Federaalka Soomaaliya Mudane Maxamed Sheekh Cusmaan Jawaari iyo Cabdi Xaashi C/llaahi,Ra’iisul Wasaare ku xigeenka Dalka ahna ku simaha Ra’iisul Wasaaraha Mudane Mahdi Maxamed Guuleed,Wasiirka Dastuurka C/raxmaan Xoosh Jibriil iyo guddoomiyaasha Guddiyada Dastuurka Qaran iyo kan madaxa banana.

Mudadii uu kulankaasi socday ayaa waxaa siweyn looga hadlay sidii loo heli lahaa Dastuur dhameystiran oo uu Dalku yeesho ka hor dhamaadka sanadka 2018-ka si bulshada Soomaaliyeed ay aftidooda uga dhiibtaan dastuurka.

Sidoo kale waxaa lagu booriayay gudiyada uu quseeyo arrimaha dib u eegista Dastuurka Dalka in ay wadashaqeyn dhow ka yeesheen sidii loo dardar gelin lahaa arrimahaasi waqti dhowna la soo afjaro dib u eegistaasi Dastuurka oo muhiim u ah doorashooyin ka dhacidoona  Dalka.