USAID iyo dowladda Soomaaliya oo saxiixday heshiis Malaayiin Doolar ku kacaya (Sawiro)

265
Wasiirka wasaaradda Qorshaynta iyo Xiriira Caalamiga ah ee Xukuumadda Soomaaliya Jamaal Maxamed Xasan oo heshiis la saxiixanaya Hay’adda hormarinta Maraykanka ee USAID / Tallaado/ MUQDISHO, Soomaaliya/ 05/12/2017

Dowladda Federal ka ah ee Soomaaliya ayaa goor dhow maanta oo Tallaado ah Waxaa ay heshiis malaayiin dollar Ku kacaya la saxiixatay Hay’adda dhinaca hormarinta u qaabilsan dowladda Maraykanka ee la yirahdo USAID.

Wasiirka wasaaradda Qorshaynta ee xukuumadda federal ka ah ee Soomaaliya Jamaal Maxamed Xasan ayaa dhanka Soomaaliya u saxiiay heshiiska.

Heshiiska ayaa waxaa uu Ku kacayaa $300 (Saddex boqol oo Milyan oo dollar) waxaana loogu talo galay dhinaca mashaariicda  hormarinta  ah ee dowladda Maraykanka ay ka wado Soomaaliya.

Heshiiskan ayaa ah kii ugu horeeyay oo oo noociisa ah oo muddo 30 sano ka badan ka dib dhexmara Soomaaliya iyo Maraykanka ama USAID.