Xildhibaanada Baarlamaanka oo la fasaxay 2 bilood (Sawiro)

168

Xildhibaanada Baarlamaanka Soomaaliya, ayaa maanta shirkoodii caadiga ahaa Ku yeeshay magaalada Muqdisho.

Kalanka Maanta xildhibaanada Baarlamaanka Soomaaliya ay ku yeesheen Xarunta Golaha Shacabka ee magaalada Muqdisho  ayaa Waxaa Shir Guddoominayay Guddoomiyaha Golaha Shacabka  Maxamed Sheekh Cismaan Jawaari.

kulanka waxaa  soo xaadiray mudanayaal tiradoodu ay gaareyso 173 Xildhibaan.

Ajendayaasha xubnaha golaha shacabka ee maanta ayaa kala ahaa

  1. Soo bandhigidda Warbixinta Guddiga Dastuurka ee BFS
  2. Warbixinta Guud ee Howlqabadka Kalfadhiga 2-aad ee Golaaha Shacabka
  3. Hadaljeedinta Guddoomiyaha Golaha Shacabka u abbaaran Hakinta Kalfadhiga 2-aad ee Golaha Shacabka, waxaana Mudanayasha loo qeybiyay Ajendayaasha kulankii maanta, iyadoo kulanka warbixin ay ka jeediyeen Guddiga Dastuurka oo ka hadlay halka uu marayo Arrimaha Dastuurka.

intaas kadib ayaa waxaa mudanayaasha Golaha Shacabka loo qeybiyay Warbixinnadii iyo waxyaabihii u qabsoomay inta lagu guda jiray kalfadhiga 2-aad ee golaha Shacabka.

Mudanayaasha  Baarlamaanka Soomaaliya ayaan  galay fasax labo bil ah, iyagoo dib u soo laaban doona bisha Maarso sanadka cusub.

Guddoomiyaha Golaha Shacabka Mudane Maxamed Sheekh Cismaan Jawaari ayaa hadal jeedin ka hor sameeyay Xildhibanada hortooda asagoo uga mahad celiayay Sahqadii ay soo qabteen sidoo kalena ku booriyay in la dar dargaliyo Howlaha kale ee horyaalla.